సూర్యాపేటలో ఐటీ హబ్
- Telangana
- September 23, 2023
- No Comment
- 338
వచ్చే నెల 2వ తేదీన సూర్యాపేట జిల్లా కేంద్రంలో మంత్రులు కేటీఆర్, జగదీష్ రెడ్డి చేతుల మీదుగా ఐటీ హబ్ ప్రారంభం కానుంది. ఈ మేరకు శుక్రవారం మంత్రి జగదీష్ రెడ్డి అధికారులతో కలిసి ఐటీ హబ్ లో ఏర్పాటు కానున్న కంపెనీల్లో ఉద్యోగాల భర్తీకి భారీ జాబ్ మేళా పోస్టర్ ను ఆవిష్కరించారు. అనంతరం ఆయన మాట్లాడుతూ.. సూర్యాపేటలో ప్రారంభం కానున్న ఐటీ హబ్ లో 9 కంపెనీలలో ఉద్యోగాల భర్తీకి భారీ జాబ్ మేళాను సెప్టెంబర్ 26వ తేదీన నిర్వహించనున్నట్లు తెలిపారు. తెలంగాణ అకాడమీ ఆఫ్ స్కిల్ అండ్ నాలెడ్జ్ ఆధ్వర్యంలో ఈ జాబ్ మేళాను నిర్వహించనున్నారు. జిల్లా కేంద్రంలోని సదాశివరెడ్డి ఫంక్షన్ హాల్ లో ఉదయం 9 గంటల నుండి సాయంత్రం 5గంటల వరకు జరిగే జాబ్ మేళాను బీటెక్ చదివిన నిరుద్యోగ యువతీ యువకులు సద్వినియోగం చేసుకోవాలని మంత్రి కోరారు. తొలుత అధికారులతో కలిసి ఐటీ హబ్ గా మార్చనున్ను పాత కలెక్టరెట్ భవనాన్ని పరిశీలించి వారం రోజుల్లో కార్పొరేట్ తరహా లో భవనాన్ని అన్ని హంగులతో తీర్చిదిద్దాలని ఆదేశించారు.