వంద సీట్లతో ప్రభుత్వాన్ని ఏర్పాటు చేస్తాం- ఎమ్మెల్సీ కవిత

తెలంగాణలో మళ్లీ అధికారం తమదే అని ఎమ్మెల్సీ కవిత అన్నారు. వంద సీట్లతో హ్యాట్రిక్ సర్కార్ ఏర్పాటు చేస్తామని ఆమె ధీమా వ్యక్తం చేశారు. ఇతర పార్టీల మేనిఫెస్టోను కాపీ కొట్టాల్సిన అవసరం తమకు లేదన్నారు. కేసీఆర్ పై ఎవరు పోటీ చేసినా ఓటమి తప్పదని కవిత తేల్చిచెప్పారు. అసలు బీజేపీకి తెలంగాణలో అవకాశమే లేదన్నారు. కాంగ్రెస్ పార్టీ విషయానికి వస్తే.. గాంధీలకే గ్యారంటీ లేదు కాంగ్రెస్ గ్యారంటీలను ఎవరు నమ్ముతారని ఆమె కొట్టిపారేశారు. మైనార్టీలను కాంగ్రెస్ కేవలం ఓటు బ్యాంకుగానే చూస్తోందని చెప్పారు. ఈ ఎన్నికల్లో కోరుట్లలో ఎంపీ అర్వింద్ ను ఓడిస్తామని కవిత ఛాలెంజ్ చేశారు.