తెలంగాణ సంస్కృతికి ప్రతీక అలయ్ బలయ్
- Telangana
- October 25, 2023
- No Comment
- 288
హైదరాబాద్‌ నాంపల్లి ఎగ్జిబిషన్ గ్రౌండ్స్‌లో అలయ్ బలయ్ కార్యక్రమం జరిగింది. ఈ కార్యక్రమానికి బండారు దత్తాత్రేయ, విద్యాసాగర్‌రావు, వీహెచ్‌, కిషన్‌రెడ్డి హాజరయ్యారు. తెలంగాణ సంస్కృతి సంప్రదాయాలను ప్రతిబింబించే విధంగా అలయ్.. బలాయ్ కార్యక్రమం నిర్వహిస్తున్నారు. గత 17 ఏళ్లుగా దత్తాత్రేయ ఆధ్వర్యంలో అలయ్ బలయ్ కార్యక్రమం కొనసాగుతోంది
తెలంగాణ సంస్కృతి, ఆచారాలు ఎంతో గొప్పవని మంత్రి తలసాని శ్రీనివాస్ యాదవ్ అన్నారు. 2005 సంవత్సరంలో దత్తాత్రేయ ప్రారంభించిన అలయ్ బలయ్ కార్యక్రమాన్ని ప్రతి సంవత్సరం నిర్వహిస్తుండటం అభినందనీయమన్నారు. మన సంస్కృతి, సాంప్రదాయాలను పెంపొందించే ఉద్దేశంతో ఈ కార్యక్రమాన్ని చేపట్టినట్లు తెలిపారు. ఈ కార్యక్రమానికి తెలంగాణకు చెందిన వారిని మాత్రమే కాకుండా.. ఇతర రాష్ట్రాలకు చెందిన ప్రముఖులను కూడా ఆహ్వానించారని, దీంతో మన సంస్కృతి గురించి వారికి కూడా తెలియజేసే అవకాశం ఉంటుందని చెప్పారు.
